- 88 -

1329. April 26. Breslau.

Herzog Boleslaus bekennt, dem König Johann von Böhmen gelobt zu haben, die Bürger von Liegnitz bei ihren hergebrachten Rechten erhalten zu wollen, und die Stadt nie mehr wegen des Geschosses zu versetzen.

In gotis namen amen. Wir Bolezlaus von gotis genaden herczoge von Slesien vnde herre zcu Legnicz bekennen vnde tun wyssintlich allen den, dy desen kegenwortegen bryf ymmir ansen adir horen lezen, das wir mit wol bedachtem mute zcu Breslau in der stat dem hochgebornen fursten vnserm herren kunec Hannus von Behemen vnde Polen vnde grafe von Luczelburg gelobit haben vnsen getruen burgern von Legnicz rychen vnde den armen, das wir sy an alle argelist by volkumen rechte, als sy von aldir gewest syn, vnd by allen den hantfesten, dy sy haben von der stat wegen zcu Legnicz von dem edelen vursten vnsym lyben vater herczogen Heynrich von Legnicz, so syn got gedenke, vnd by allen den hantfesten, dy wir in selbe von vnsir wegen vnde von vnsern genaden bis an dese zeit haben gegebin, ymmerme vnde ebeclych zcu lozen, also das wyr vnde vnse nochkumelinge blyben, by allem vnsem rechte, also vnsir eldirn gewest syn. Wir haben och gelobit den selben unsem getruen burgern von Legnicz, das wir se von dirre zeit nymmer me vf vnse geschoz, das sy vns schuldic syn von der stot wegen zcu Legnicz, vorseczen sullen noch in wollen. Das alle dese vorgeschreben rede gancz volkumen vnde ebic blybe von vns vnde von vnsen nochkumelingen, des habe wyr den selben vnsen getruen burgern desen bryf zcu ganzcir bestetunge gegeben mit vnserm grostyn ingesegil vorsegylt, das ist gescheyn zcu Breslau noch Cristus geburt tusynt iar dryhundirt iar in dem nvynvntswenzegistyn iar an sente marcz tage zcu gezcucnisse des grofen von Lynengen, hern Thymen von Koldicz, hern Stephan von Parschovicz, hern Heynrich von Sylicz, hern Dytherich von Predyl vnde Hannus von Rymberg vnde hern Thamme vnsirs obirsten schrybers.

O. d. St. L. No. 35. An grüner Seide das stark beschädigte grosse Siegel, ohne Rücksiegel. -— Altes Privilegb. pag. 18 b. — Ein Duplicat dieser Urkunde (No. 35a), abweichend durch Aufnahme des vollständigen Namens "her Thamme von Poschwicz", trägt das gleichfalls schadhafte Siegel an rother Seide. — Bitschen, Privilegb. f. CXC; irrthümlich hat er f. CXCVIb eine zweite Abschrift dieser Urkunde zum J. 1379 gesetzt.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866